نصائح عامة للربح من موقعك العربي

فـ .. كان السؤال من كثير ناس : كيف ممكن أربح من موقعي العربي ؟ وهل خيارات الربح محصورة بجوجل ادسنس فقط ؟

طيب .. لكل الناس اللي بدهم يربحوا من مواقعهم العربية ، ومش عارفين كيف ، أرجو إنه الإشارات اللي رح أحطها هلأ يكون فيها جواب كافي وشافي :

1- تعمل موقع فكرته مربحة وعبقرية .. حتى لو إنت ماخذها من موقع أجنبي وبدك تعملها فكرة عربية .. يعني زي ما عملوا (خمسات) و (طلبات) و (جملون) و (وبيكاليكا) وغيرهم ..

2- عمل موقع بتحكي فيه عن خدماتك الكتابية أو التصميمية أو المرئية أو غيرها .. يعني بمثابة مكتب إلك أونلاين .. روّج للموقع وحتلاقي ناس مهتمين إن شاء الله .. المهم موقعك يكون احترافي ، وتعرف تحكي فيه كثير منيح عن للي عندك ، وجودة اللي عندك ..

3- عمل موقع مستهدف في مجال معين .. مشان دينك سيبك من قصص (موقع منوعات حول العالم) أو (خلطبيطة) أو (كوكتيل) .. هاد حكي فاااااااضي إلا إذا بدك تعمل الموقع يكون مثل (أراجيك) الرائع اللي عنده فريق عمل مدهش ! أما نصيحتي بشدة فهي : إعمل موقع مستهدف تخصص معين ، ويا ريت تخصص التخصص كمان .. يعني إذا بدك تعمل موقع للطب .. خليه عن طب العظام فقط.. ويا ريت كمان وأحسن وأحسن يكون عن طب عظام الركبة مثلاً .. يعني كل ما تخصصت أكثر كل ما حتربح بشكل أكبر ..

بعد ما عملت موقع ، وكان عن تنحيف المعدة بالذات ، أو عن الربح من اليوتيوب بشكل محدد ، أو عن كل ما يتعلق بالشعر الخشن (كريمات - شامبوهات - مقالات منوعة - نصائح - حكم - صور - فيديوهات) وصار بدك تربح من موقعك ، بنيجي للطرق :

* تبيع مساحات إعلانية في موقعك ..
لما الموقع يكون (متخصص) بمجال معين ، يعني الناس اللي بفوتوا عالموقع واللي جابهم جوجل اللي انتبه منيح لموقعك إنه (متخصص)، فإنت هيك صرت مستهدف وموقعك مستهدف وزوارك مستهدفين.. هون بسهولة بتبيع مساحات عندك .. إما عن طريق (أعلن هنا) المكتوبة بكل بانر من بانرات موقعك ، أو عن طريق الاتفاق مع شركة إعلانية وسيطة زي (حسوب) مثلاً ..

* تربح من الافلييت عن طريق موقعك .. يعني لو موقعك أدبي بإمكانك تربح من افلييت موقع (جملون) .. شو يعني افلييت ؟ يعني روابط تسويق بالعمولة من مواقع مرتبة ، بحيث أي حدا بشتري منتج معين عن طريق اللينك تبعك فإنت إلك عمولة .. إشي حلو صح ؟ تخيل لو موقعك عن الروايات الجديدة ، وحطيت بنهاية شرح كل رواية رابط افلييت للرواية من (جملون) .. كل حدا بشتري الكتاب عن طريقك إلك عمولة 7 % من سعر الكتاب smile emoticon نفس الشي لما موقعك يكون عن المنتجات الملبوسة والملموسة وغيرها .. اقرؤوا أكثر عن افلييت موقع (سوق.كوم) كمان ..

* الربح من جوجل ادسنس .. يعني بتنشئ حساب جوجل ادسنس بعد ما موقعك يصير عليه حركة مرتبة وانشالله الموافقة مو صعبة ، وبتصير جوجل تحط إعلاناتها في موقعك .. وإعلاناتها متغيرة بتغير النصوص والمقالات تبعتك .. وكل ما اخترت (تخصص) أعمق كل ما كان أحسن وأربح لإلك.. بحاسبوك عالضغطة عالإعلان .. في تفاصيل كثيرة اقرؤوا عنها في جوجل ..

مين عنده طرق ثانية يشاركنا فيها ؟
مين عنده أفكار أخرى جربها وممكن يحكيلنا اياها عشان يفيد غيره ؟
يالله يا جماعة .. ‫#‏لا_لاحتكار_المعلومة‬ smile emoticon

‫#‏أونلاينرز‬ ‪#‎OnlinersTeam‬